Беларускі пікнік
Шаноўныя сябры,
Сардэчна запрашаем далучыцца да пікніка, які арганізуецца групай лёнданскіх беларусаў ў панядзелак, 30 жніўня (Bank Holiday), і адбудзецца ў двары Беларускага цэнтра на Holden Road.
Бярыце з сабою ежу, напоі (без моцных сьпіртных, з алкаголю пажадана толькі віно ці піва etc) і добры настрой!
37-39 Holden Road, London, N12 8HS. Пачатак а 16:00
RSVP, просім па магчымасьці пацьвердзіць сваю прысутнасьць па адрасе bnc@bielar.us
Арганізатараў Мінскага гей-прайда прынялі ў Амбасадзе Вялікабрытаніі
У сераду 18 жніўня арганізатара Мінскага гей-прайда Сяргея Андросенку і намесніка арганізатара Сяргея Еніна прынялі ў амбасадзе Вялікабрытаніі ў Мінску. Актывісты наведалі амбасаду ў пошуках палітычнай падтрымкі Мінскага гей-прайда 2011 і талерантнага стаўлення да ЛГБТ і захавання іх правоў у Беларусі.
Намеснік кіраўніка дыпламатычнай місіі Джым Казэнс, які прыняў гей-актывістаў, сказаў, што падчас ягонай працы ў Беларусі гэта тэма вельмі новая і, улічваючы асаблівае палітычнае становішча ў Беларусі, – тое, што краіна не знаходзіцца нават у Радзе Еўропе, – значна ўскладняе працу на карысьць правоў ЛГБТ, а таксама паўнавартаснае супрацоўніцтва з ЛГБТ-арганізацыямі.
На сустрэчы у амбасадзе беларускія актывісты адзначалі, што не патрабуюць ад дзяржавы тэрміновай змены заканадаўства, але патрабуюць прызнання базавых грамадзянска-палітычных правоў: на свабоду сходаў, свабоду асацыяцый і свабоду слова, нават у межах сённяшняга, дастаткова рэпрэсіўнага заканадаўства, на якія па законе і згодна Канстытуцыі маюць права.
Арганізатараў Мінскага гей-прайда падтрымала брытанская ЛГБТ-актывістка Clare Bat Dimyon MBE, якая сёлета атрымала дзяржаўную медаль-ўзнагароду Вялікабрытаніі за працу на карысьць грамадзянскіх правоў геяў, лесбіянак, бісэксуалаў і трансгендарных людзей у Цэнтральнай і Усходняй Еўропе. Менавіта па яе ініцыятыве амбасады Вялікабрытанні ў некаторых краінах Еўропы, дзе правядзенне фестываляў роўнасці сутыкаецца з супрацьстаяньнем дзяржаўных структур, падчас Прайдаў падымаюць вясёлкавыя сцягі.
Паводле http://gaybelarus.by
Беларусы Вялікабрытаніі вітаюць Папу Бэнэдыкта XVI
У суботу 18 верасьня беларускія пілігрымы пад сваім сьцягам будуць браць удзел у малітоўным чуваньні пад адкрытым небам, якое ўзначаліць Яго Сьвятасьць Папа Рымскі Бэнэдыкт XVI увечары ў суботу 18 верасьня ў Гайд Парку ў Лёндане. Уваход у парк будзе адбывацца па адмысловых квітках, якія можна замовіць у а. Сяргея Стасевіча да 25 жніўня (т. 07886997305, цана квітка £5). Запрашаюцца ўсе ахвотныя незалежна ад веравызнаньня. Падрабязную інфармацыю пра візіт Папы у Вялікабрытанію можна даведацца на сайце http://www.thepapalvisit.org.uk.
The Guardian About Belarus
Recently, the Guardian published two articles about Belarus:
Belarus and Georgia get together for a few potshots at Russia
Alexander Lukashenko, the hardline president of Belarus, and Mikhail Saakashvili, the leader of Georgia, have forged an unlikely political alliance in a “media war” with the Kremlin.
The fine art of making a drama out of a crisis
I went to Index on Censorship out of sense of duty, yet the company’s performance isn’t worthy but an inventive combination. Depictions of misery are leavened with flashes of Auden’s “ironic points of light”. Numbers, which you can see on the Index website, has the actors miming surreal routines while a cameraman projects on to the wall the statistics that enumerate Belarus’s plight: the scale of the sex trade in young women; the botched abortions which leave women sterile; the poverty of a country where the average wage is $350 a month; and the oppression of a state which murders its political opponents and has the fourth highest prison population per capita in the world. Then, to illustrate how Belarussians are desperate to emigrate, the projector flashed up the story of how, in October 2006, 240 cows trampled down an electric fence and swam the River Bug to sanctuary in Poland, the first case of mass flight to freedom by livestock in the EU’s history, as the company delightedly points out.
Новая старонка – Публікацыі
На нашым блогу зьявілася новая старонка – Публікацыі. Спасылку на яе заўсёды знойдзеце уверсе галоўнай старонкі, пад загалоўкам блогу. Тут мы пастараемся сабраць чым больш электронных вэрсіяў друкаваных беларускіх выданьняў, якія выдаваліся і дагэтуль зьяўляюцца ў Брытаніі.
Айцец Аляксандар Надсан: “Каго пахрысціць, каго пажаніць…”
Арцём Багданаў, Польскае радыё для замежжа, Беларуская служба, 24 красавіка 2010 г.
Апублікавана на kamunikat.org
Айцец Аляксандар Надсан – найбольш аўтарытэтны й паважаны сьвятар сярод беларусаў-каталікоў у замежжы. Ад 1946 году жыве ў Лёндане, быў адным з тых, хто ў 1948 годзе ўдзельнічаў у набыцьці славутага Беларускага дому. Ад 1971 году – нязьменны дырэктар Бібліятэкі імя Францішка Скарыны ў Лёндане. Цяперашні візыт айца Надсана ў Менск складае ўсяго некалькі дзён, ахвотных сустрэцца – шмат, спатканьняў – процьма. Учора ўвечары айцец Надсан правёў сустрэчу ў Клюбе каталіцкай інтэлігенцыі імя Кірылы Тураўскага ў Менску. Пасьля сустрэчы ён ласкава адказаў на некалькі пытаньняў Беларускай службы Польскага радыё.
Айцец Аляксандар, літаральна 17 красавіка адбылося адкрыцьцё абноўленага Беларускага дому ў Лёндане. Што гэтаму папярэднічала?
Аляксандар Надсан: Гэты дом быў набыты ў 1948 годзе. Гэта першы грамадзкі беларускі дом за мяжою – ня толькі ў Англіі, але наогул за мяжою. Ні ў Амэрыцы, нідзе не было грамадзкага дому. Вось шкода, што праўнучка Вінцэнта Жук-Грышкевіча (першы старшыня Зьвязу беларусаў Вялікай Брытані — аўт.) пайшла… Гэта ён настояў, бо быў разумны чалавек. Гэты дом стаўся сапраўды цэнтрам грамадзкага жыцьця. Вялікая справа была! Туды ж прыязджалі ўсе нашыя беларусы, жылі – пакуль знайшлі працу, памешканьне… Там таксама ўсе нашыя мерапрыемствы беларускія адбываліся. Дом ужо ня быў новы, як мы купілі. Прайшло столькі гадоў – ужо трэба было рабіць рамонт, такі фундамэнтальны. Грошы крышку ў арганізацыі ёсьць – зрабілі добры рамонт, канфэнэнцыйную залю пабольшалі, папрыгожылі, навялі парадак. Цяпер сапраўды грамадзкі дом можа выконваць свае функцыі – гэта вельмі важна. Аднаўленьне й адкрыцьцё ўсяго гэтага – была добрая нагода сустрэцца. Мы чакалі больш людзей, зь іншых краінаў, але ж ведаеце – што гэты ісляндзкі вулькан нарабіў… (сьмяецца) Так што многія не маглі прыехаць. Пару людзям удалося — яны з Амэрыкі прыехалі на дзень перад гэтым, дык пасьля не маглі выехаць!.. (сьмяецца) А іншыя, якія адклалі на апошнюю хвіліну, не змаглі прыехаць. Але ўрачыстасьць прайшла вельмі прыгожа. Read more…
Беларускі першадрукар працаваў у Лондане
Наш зямляк Ян Літвін выдаваў кнігі ў Вялікабрытаніі задоўга да Скарыны. Сістэму сігналізацыі для Брытанскай каралеўскай чыгункі таксама распрацаваў беларус. Англійскія арыстакраты святкавалі Дзень Волі 25 сакавіка… Пра беларускую прысутнасць у Вялікабрытаніі распавядае новая кніга Наталлі Гардзіенка. (Перадрук з газэты “Наша Ніва”)
«Наша Ніва»: Якія першыя звесткі аб ураджэнцах беларускіх земляў, што трапілі ў Злучанае Каралеўства?
Наталля Гардзіенка: Вядомая паўлегендарная асоба Яна Літвіна. Як сведчаць англійскія крыніцы, гэты John Lettou прыкладна ў 1480 годзе адчыніў друкарню ў лонданскім Сіці ля царквы Усіх Святых. Тады той раён займалі юрысты, то Літвін спецыялізаваўся на выданні праўных дакументаў па‑англійску. Гэта быў першы выхадзец з беларускіх земляў, аб якім захаваліся вартыя даверу дакументы. Трэба адзначыць, што ўласна англійскі першадрукар Какстон распачаў сваю дзейнасць усяго на тры гады раней.
Пазней ужо шмат хто наведваў Лондан: магнаты, дыпламаты, вандроўнікі. Асабліва часта наведваліся на выспы Радзівілы. Хтосьці як эмігрант палітычны, хтосьці як эканамічны. Хтосьці праездам — як Багуслаў, якога выкінула на англійскі бераг бура, калі ён плыў у Галандыю. Read more…
